"Maxam-Chirchiq" АЖ корхонасида ёшларга оид давлат сиёсатини амалга ошириш юзасидан 2018 йил учун чора-тадбирлар  Дастурининг "Green challenge"-"Яшил ҳудуд" экочорлов акциялари, Умумхалқ ҳашарларида фаол иштирок этиш бандига биноан корхонамиз Ёшлар иттифоқи аъзолари иштирокида 3 март куни ташкилотимиз ҳудудида экологик ҳашар ташкил этилди.

Ушбу ҳашарда корхонамизнинг 50 нафар ёшларидан иборат жамоаси яқинлашиб келаётган байрамлар олдидан тозалаш ишларини олиб боришди. Бунда ёшлар учун ажратилган ҳудудда ободонлаштириш ишлари ташкиллаштирилди, дарахтдарга шакл берилди, ариқ-зовурлар тозаланди.