AMMONIY KARBONAT TUZLARI

GOST 9325-79 (TIF TN kodi 283 699 1700)

Ammoniy karbonat tuzlari (AKT) - asosi ammoniy karbonat (NH₄)2CO₃ va ammoniy bikarbonat NH₄HCO₃ dan iborat bo’lgan ammoniy karbonatning turli aralashmasidir. Ammoniy karbonat tuzlari yengil, kimyo sanoati va sanoatning boshqa tarmoqlarida qo’llashga mo’ljallangan. qo’llanilishiga qarab, ammoniy karbonat tuzlari ikki markada ishlab chiqariladi:

"A"- organik sintez va kimyoviy reaktivlar ishlab chiqarish uchun;

"B"- xromli terilarning flotasiya, bo’yash, neytrallash jarayonlari va boshqalar uchun.

Xavfsizlik talablari: AKT inson organizmiga ta'sir qilish darajasi bo’yicha xavflilikning 4-sinfiga kiradi. U havoda turg’un emas, ammiak va karbonat angidridni ajratib parchalanadi, uning zaharliligi va yong’inga xavfliligi parchalanish natijasidagi mahsulotlar bilan belgilanadi.

Boshqa moddalar mavjudligida atrof-muhit va oqova suvlarda zaharli birikmalarni hosil qilmaydi. Yong’in yuzaga kelganda ko’p miqdordagi suv, o’to’chirgich, qum, asbestli polotno bilan o’chirish lozim. Ishchilarning himoya vositalari himoya ko’zoynaklari, ishqorga chidamli rezinadan tayyorlangan qo’lqoplar, me'yorlarga mos bo’lgan maxsus kiyim va gazniqobdan iborat.

Joylash: 35, 40, 45 kg dan ochiq polietilen qoplarga joylanadi.

Tashish: yopiq temir yo’l vagonlari, yopiq palubali kemalar, usti yopiq avtotransportlarda, ushbu transport turiga amal qiladigan yuklarni tashish qoidalariga muvofiq tashiladi.

Saqlash: yopiq, isitilmaydigan, shamollatiladigan omborxonalarda saqlanadi, omborxonaning harorati 35? S dan oshmasligi kerak.