БАЙРАМ ТАДБИРИ ЎТКАЗИЛДИ

30 июнь-Ёшлар куни ҳамда 2 июль- Ўзбекистон Республикаси давлат герби қабул қилинганига 30 йил тўлиши муносабати билан  “Maxam-Chirchiq” АЖ Кимёгарлар саройида катта тантана бўлиб ўтди. Даставвал Ўзбекистон Республикаси давлат герби тарихи  ҳақида тўлиқ маълумотларни Чирчиқ давлат педагогика университети проректори Б. Хусанов тадбир қатнашчиларига ҳавола қилди. Шундан сўнг корхонада меҳнат қилаётган ёшларни байрам билан “Ўзкимёсаноат” АЖ Бошқарув раиси маслаҳатчиси                               С. Абдурахмонова табриклади ва корхонада ўз ташаббускорлиги, жонкуярлиги ҳамда ташкилий ишларда фаол бўлган бир қатор ёшларга корхона раҳбарияти билан биргаликда фахрий ёрлиқ ва пул мукофотларини топширди. Қўшалоқ байрамни кўтаринки кайфиятда ўтказиш мақсадида эстрадамизнинг бир қатор юлдузлари-Ёрқинхўжа Умаров, Умидахон ва Элдидо гуруҳи тадбир меҳмонлари сифатида иштирок этишди.