Maxam-Chirchiq “MAXAM-CHIRCHIQ” AJ
-
So‘rov
Sizga sayt yoqdimi?
Ha
13 (81%) Yo'q
3 (19%)
So‘rovda qatnashganingiz uchun rahmat
Yo‘nalishning maqsadi, vazifalari va ustuvor faoliyati
“MAXAM-CHIRCHIQ” AJda ishchi-xodimlar, ularning farzandlari va Chirchiq shahri aholisi uchun barqaror ijtimoiy-ma’naviy muhit yaratishga qaratilgan tizimli ishlar amalga oshirilmoqda. Korxonaning barcha sexlarida “Ma’rifat xonasi” tashkil etilgan. Zamonaviy “Ma’naviyat va ma’rifat markazi” hamda “Ma’naviyat xiyoboni” barpo etilgan. Har oyning uchinchi juma kuni korxonada “Teatr kuni” sifatida belgilangan bo‘lib, yil davomida turli mavzularda 60 dan ortiq ma’rifiy tadbir o‘tkaziladi.
Faoliyatning asosiy maqsadi
Faoliyatning asosiy maqsadi ishchi-xodimlar, ularning farzandlari va shahar aholisi uchun sog‘lom ijtimoiy-ma’naviy muhitni ta’minlash, yoshlarga alohida e’tibor qaratish, ularni bag‘rikenglik ruhida tarbiyalash, boy qadriyatlarimizni asrab-avaylash, kitobxonlikni rivojlantirish, millatlararo totuvlik va o‘zaro mehr-oqibat muhitini yanada mustahkamlash hamda mafkuraviy immunitetni oshirishdan iborat.
Davlat tilida ish yuritish
So‘nggi uch yil davomida 200 nafarga yaqin ishchi-xodim Alisher Navoiy nomidagi Toshkent davlat o‘zbek tili va adabiyoti universiteti huzuridagi Malaka oshirish markazi o‘qituvchilari ko‘magida davlat tilida ish yuritish bo‘yicha malaka oshirish kurslarida o‘z bilimini mustahkamladi. Barcha sex va bo‘limlarda ish yuritish hujjatlarini lotin yozuviga asoslangan o‘zbek alifbosida ishlab chiqish, qabul qilish va e’lon qilish amaliyoti to‘liq joriy qilindi.
Jamiyat hududidagi peshlavhalar, e’lonlar, reklama va boshqa ko‘rgazmali axborot matnlarining davlat tili hamda reklama to‘g‘risidagi qonunchilik talablariga muvofiqligi ta’minlanmoqda. Korxona kirish-chiqish qismi va markaziy maydonida mumtoz kuy-qo‘shiqlar va maqomlar eshittiriladi. Kirish qismidagi 3 × 7 metr o‘lchamli elektron monitorda mamlakat va korxona hayotiga oid yangiliklar lotin yozuviga asoslangan o‘zbek alifbosida yoritib boriladi.
2024-yilda korxona “Qadring baland bo‘lsin, ona tilim!” respublika tanlovining “Davlat tilida ish yuritish yo‘lga qo‘yilgan eng yaxshi tizim” yo‘nalishida 2-o‘rinni egalladi.
Kutubxona fondi va kitobxonlik ko‘rsatkichlari
|
Ko‘rsatkich |
Miqdor |
|
Umumiy kutubxona fondi |
44 916 ta |
|
Ilmiy-texnik kutubxona |
37 117 ta |
|
Jamiyat boshqarma kutubxonasi |
1 456 ta |
|
Sex va bo‘limlardagi kitob burchaklari |
893 ta |
|
“Kimyogar” bolalar oromgohi |
1 224 ta |
|
Kimyogarlar saroyi |
4 226 ta |
|
Ilmiy-texnik adabiyotlar |
32 317 ta |
|
Badiiy adabiyotlar |
12 599 ta |
|
Kutubxona a’zolari |
3 895 nafar |
|
Har bir xodimga to‘g‘ri keladigan adabiyot |
7,6 ta |
|
Har bir xodimga to‘g‘ri keladigan badiiy adabiyot |
2,1 ta |
Ma’naviyat xiyoboni
Korxonaning “Kimyogarlar bog‘i” negizida tarmoq korxonalari orasida birinchilardan bo‘lib 2024-yi 31-iyul kuni “Ma’naviyat xiyoboni” tashkil etilgan.
.jpg)
